Merkingar

1. 1.

   skynfæri sem nemur mynd og gæðir lífverur sjón

2. 2.

   lítið gat t.d. á nál eða ís

3. 3.

   staður á kartöflu þar sem spíra kemur út

Orðasambönd

• augu hans opnast

  hann öðlast skilning

  • augu hans opnuðust fyrir því tjóni sem hann hafði valdið

• berja listaverkið augum

  horfa á listaverkið

• ég get ekki litið hana réttu auga

  ég get ekki borið virðingu fyrir henni

• finna náð fyrir augum hans

  fá viðurkenningu hans

• ganga í augun á karlmönnum

  vekja aðdáun karlmanna

• gefa honum auga

  gjóa augunum á hann

• gefa honum hýrt auga

  líta hann ástaraugum

• gefa honum illt auga

  líta illilega á hann

• gjóta augunum í áttina að dyrunum

  láta augun hvarfla í áttina að dyrunum

• hafa auga fyrir góðum bókmenntum

  vera glöggur á góðar bókmenntir

• hafa auga með honum

  fylgjast með honum

• hafa augun hjá sér

  fylgjast vel með

• hafa augun opin fyrir nýjum möguleikum

  vera vakandi fyrir nýjum möguleikum

• hafa ekki augun af honum

  hætta ekki að horfa á hann

• horfast í augu við hana; vandamálið

  líta í augun á henni; gera sér grein fyrir vandamálinu

• koma auga á einkennilegan fugl

  sjá einkennilegan fugl

• koma auga á snjalla lausn

  finna snjalla lausn

• líta hana hýru auga

  lítast vel á hana

• líta málið alvarlegum augum

  þykja það alvarlegt

• loka augunum fyrir afleiðingunum

  gera sér ekki grein fyrir afleiðingunum

• opna augu hans

  gera honum eitthvað ljóst

• reka upp stór augu

  verða undrandi á svip

• renna hýru auga til hans

  finnast hann álitlegur, lítast vel á hann

• slá ryki í augun á honum

  blekkja hann

• það gefur auga leið

  það er sjálfsagt, segir sig sjálft

• þetta liggur í augum uppi

  þetta er augljóst

• margt ber fyrir augu

  það er margt að sjá

• hugsandi mönnum er þessi óheillaþróun þyrnir í augum

  hugsandi mönnum líkar þessi óheillaþróun ekki

• stela peningunum fyrir augunum á honum

  stela peningunum beint fyrir framan hann

• þessi hugmynd hlýtur ekki náð fyrir augum hans

  hann er ekki hrifinn af hugmyndinni

• þau ræddust við undir fjögur augu

  þau ræddu saman í einrúmi; í trúnaði

• honum vex þetta í augum

  honum finnst þetta óyfirstíganlegt