annar

Merkingar

1. 1.

   um tvo eða tvennt hliðstætt nafnorðið (oftast) með greini einn af tveimur

   • annar handleggurinn reyndist vera brotinn
   • þau keyptu bara miða aðra leiðina
   • hann var með hring í öðru eyranu
   • ég var í skóla með öðrum tvíburanna

   • annar ... hinn

     (í umtali um tvo eða samanburði milli tveggja)

     • það lágu tvær bækur á borðinu, önnur var skáldsaga og hin ljóðabók
     • annar strákurinn er sonur okkar en hinn er besti vinur hans
     • annað herbergið var málað gult en hitt grænt
2. 2.

   (um andstæður) ekki sá (eða það) sem fyrr var talinn eða minnst á

   • meðlimir félagsins fá tímaritið frítt en aðrir þurfa að kaupa það
   • þau keyptu gulrætur, rófur og annað grænmeti á markaðnum
   • okkur fannst gisting og önnur þjónusta vera mjög dýr

   • enn annar

     einn til viðbótar

     • einn var keyptur, annar leigður og enn annar tekinn í leyfisleysi
3. 3.

   um andstæður, í ýmiss konar samjöfnuði eða samanburði

   • sumir eru alltaf á ferð og flugi en aðrir vilja helst alltaf vera heima hjá sér
   • það er enginn einn tími betri en annar fyrir mig
   • þeir höguðu sér bara eins og aðrir gerðu
   • tvær ferðir eru minnisstæðari en aðrar
   • ég vil helst fá frí um helgar eins og aðrir

   • öðrum fremur

     frekar en aðrir

     • þetta mál er öðrum fremur erfitt úrlausnar
4. 4.

   óformlegt einn til viðbótar

   • kanntu annan?

Orðasambönd

• annar eins maður, fjöldi

  þvílíkur maður, fjöldi

  • þau höfðu aldrei fundið annan eins ilm
  • engin leiksýning hefur haft önnur eins áhrif á mig
  • hefurðu nokkurn tíma heyrt aðra eins dellu?