fótur

Merkingar

1. 1.

   ganglimur manns eða dýrs

   • hann meiddist á fæti
2. 2.

   uppistaða á húsgagni, stólfótur, borðfótur o.s.frv.

   • kollur með þrjá fætur
3. 3.

   neðsti hluti e-s, t.d. súlu

4. 4.

   mælieining á hæð leturlínu á prenti

   • 12 punkta letur á 15 punkta fæti

Orðasambönd

• bregða fæti fyrir hana

  gera henni óleik

• bregða undir sig betri fætinum

  skreppa í stutta ferð

• drepa þar niður fæti

  koma þar við en stoppa stutt

• eiga fótum fjör að launa

  þurfa að flýta sér þaðan á hlaupum

• falla honum til fóta

  sýna honum lotningu

• fara á fætur

  fara út úr rúminu

• gefa honum undir fótinn

  daðra við hann

• gefa honum undir fótinn með þetta

  styðja hann í þessu

• geta í hvorugan fótinn stigið

  vita ekki hvernig maður á að vera

• hafa fast land undir fótum

  finnast maður vera öruggur

• hlaupa upp til handa og fóta

  rjúka í að gera eitthvað

• hlaupa við fót

  hlaupa næstum því

• hreyfa ekki/hvorki hönd né fót

  hreyfa sig ekki neitt

• kippa fótunum undan rekstrinum

  eyðileggja rekstragrundvöll fyrirtækisins

• koma á fót fyrirtæki

  stofna fyrirtæki

• koma fótunum undir fyrirtækið

  byggja upp fyrirtækið

• koma undir sig fótunum

  leggja grundvöll að sjálfstæði sínu

• leggja heiminn að fótum sér

  fá aðdáun umheimsins

• leggja land undir fót

  fara í ferðalag

• missa fótanna

  hrasa, detta

• reisa hana á fætur

  hjálpa henni að standa upp

• reka hana á fætur

  skipa henni að fara út úr rúminu

• rísa á fætur

  standa upp

• rjúka upp til handa og fóta

  rjúka til

• setja á fót fyrirtæki

  stofna fyrirtæki

• setja fótinn fyrir hana

  bregða fæti fyrir hana, gera henni óleik

• spretta á fætur

  standa snöggt upp

• spyrna við fótum

  sýna mótþróa

• standa á eigin fótum

  vera sjálfstæður

• standa á fætur

  standa upp

• standa á því fastara en fótunum að þetta hafi verið morð

  halda því staðfastlega fram

• standa höllum fæti

  standa illa

• standa í fæturna

  standa sig

• stinga við fæti/fótum

  staðnæmast, nema staðar

• taka til fótanna

  forða sér á hlaupum

• troða hana undir fótum

  kúga hana

• tylla þar niður fæti

  eiga þar stutta viðdvöl

• vera á fallanda fæti

  vera orðinn mjög hrörlegur

• vera á fótum

  vera ekki farinn í rúmið

• vera frár á fæti

  geta gengið eða hlaupið hratt

• vera kominn að fótum fram

  vera gamall og heilsulaus

• vera kvikur á fæti

  vera léttur á sér, léttfættur

• vera léttur á fæti

  vera léttfættur, léttur á sér

• vera með annan fótinn í borginni

  eyða þar jafn miklum tíma og heima hjá sér

• vera með báða fætur á jörðinni

  vera mjög raunsær

• það er ekki/enginn fótur fyrir þessu

  þetta á sér enga stoð í veruleikanum

• það hallar undan fæti

  ástandið fer versnandi

• það verður uppi fótur og fit

  það verður mikið uppnám

• þora í hvorugan fótinn að stíga

  þora ekki að gera neitt

• hlaupa upp götuna eins og fætur toga

  hlaupa eins hratt og mögulegt er upp götuna

• þetta er henni fjötur um fót

  þetta er heftir hana, er henni til trafala

• honum skrikar fótur

  hann hrasar

• fyrirtækið stendur höllum fæti

  fyrirtækið stendur illa

• fyrirtækið stendur traustum fótum

  rekstur fyrirtækisins er öruggur

• hún veit ekki í hvorn fótinn hún á að stíga

  hún er í mikilli óvissu