hönd

Merkingar

1. 1.

   líkamshlutinn í framhaldi af handlegg, framan við úlnlið

   • rétta honum höndina

   • taka í höndina á henni

   • þau takast í hendur

   • þau haldast í hendur

2. 2.

   handleggur, armur

   • rétta upp hönd/höndina

   • baða út höndunum

3. 3.

   rithönd, handskrift

   • hann hefur fallega hönd

4. 4.

   hlið, síða

   • til hægri handar mátti sjá gamlan hlaðinn vegg
   • eldhúsið er á vinstri hönd þegar komið er inn

Orðasambönd

• bera hönd fyrir höfuð sér

  verja sig

• bera hana á höndum sér

  dekra við hana, sýna henni sérstakt dálæti

• binda hendur hans

  setja honum skorður, takmörk

  • samningurinn bindur hendur stjórnvalda

• búa verkefnið í hendurnar á honum

  undirbúa verkefnið áður en hann fær það

• eiga hendur sínar að verja

  þurfa að verja sig

• eiga langa ferð fyrir höndum

  leggja upp í langa ferð, eiga eftir að ferðast um langan veg

• ég sé í hendi mér að áætlunin stenst ekki

  mér er það ljóst að áætlunin stenst ekki

• fá lítið í aðra hönd

  fá lítinn hagnað

• fá gögnin í hendur

  fá gögnin afhent

• fá honum bréfið í hendur

  afhenda honum bréfið

• fórna höndum

  halda út höndunum með lófana upp til merkis um undrun eða uppgjöf

• geta ekki/hvorki hreyft hönd né fót

  vera alveg fastur

• glopra tækifærinu út úr höndunum á sér

  verða af tækifærinu á klaufalegan hátt

• grípa fram fyrir hendurnar á honum

  taka af honum ráðin

• hafa alla þræði í hendi sér

  hafa fulla stjórn á aðstæðum

• hafa frjálsar hendur

  mega ráða hvernig hlutirnir eru gerðir

• hafa hendur í hári þjófanna

  ná þjófunum, góma þjófana

• hafa hraðar hendur

  flýta sér, vera fljótur að e-u

• hafa hönd í bagga með honum

  aðstoða hann

• hafa ráð hans í hendi sér

  geta ráðið örlögum hans

• hafa lítið á milli handa / handanna

  hafa litla peninga til ráðstöfunar

• hafa eftirlit með höndum

  sjá um eftirlit

• hafa skjalið undir höndum

  hafa skjalið í sinni vörslu

• hafa blað og blýant við höndina

  hafa blað og blýant nálægt sér

• hefjast handa

  byrja

• hlaupa upp til handa og fóta

  rjúka í að gera eitthvað

• kasta höndunum til verksins

  vinna verkið illa

• láta hendur skipta

  slást

• láta hendur standa fram úr ermum

  sýna dugnað

• láta eignina af hendi

  afhenda eignina

• láta eitthvað af hendi rakna

  koma með sitt framlag

• leggja hendur á hana

  beita hana líkamlegu ofbeldi

• leggja hönd á plóginn

  vinna með öðrum að ákveðnu verkefni

• leysa verkefnið af hendi

  klára verkefnið

• reka árásarmanninn af höndum sér

  hrekja árásarmanninn á flótta

• rjúka upp til handa og fóta

  rjúka í að gera eitthvað

• segja Frökkum stríð á hendur

  lýsa yfir stríði við Frakkland

• sitja auðum höndum

  gera ekki neitt

• sjá í hendi sér að hún muni hætta

  vera viss um að hún muni hætta

• sjá sig um hönd

  skipta um skoðun

• taka fram fyrir hendurnar á honum

  taka ráðin af honum

• taka sér eitthvað fyrir hendur

  fara að gera eitthvað

• taka til hendi/hendinni

  sýna dugnað

• taka hana höndum

  handtaka hana

• taka málið í sínar hendur

  taka málið sjálfur að sér

• taka bókina ófrjálsri hendi

  stela bókinni

• taka honum tveim höndum

  fagna honum, bjóða hann velkominn

• takast langt ferðalag á hendur

  leggja upp í langt ferðalag

• vera hægri hönd hans

  vera hans nánasti aðstoðarmaður

• vera honum innan handar

  vera honum hjálplegur

• verja hendur sínar

  verja sig

• vopnin snúast í höndunum á honum

  það neikvæða sem hann hafði beint að öðrum hæfir hann sjálfan

• það er allt í hers höndum

  það ríkir mikil óreiða

• það er hver höndin upp á móti annarri

  það er mikil óeining

• það eru tveir kostir fyrir hendi

  það eru tveir möguleikar í stöðunni

• það gengur maður undir manns hönd

  allir leggjast á eitt, allir beita sér sameiginlega

• það leikur allt í höndunum á honum

  hann er mjög verklaginn

• þvo hendur sínar (af e-u)

  firra sig ábyrgð á e-u, telja sig ekki bera ábyrgð á e-u

• þykjast hafa himin höndum tekið

  hrósa happi

• vanda ber að höndum

  það koma upp erfiðleikar

• stormurinn brast á eins og hendi væri veifað

  stormurinn kom skyndilega

• honum fallast hendur

  hann missir kjarkinn

• jólin fara í hönd

  það líður að jólum, jólin nálgast

• taka boðinu fegins hendi

  taka með ánægju við boðinu

• honum ferst verkið vel úr hendi

  hann vinnur verkið vel

• skrifa undir fyrir hönd félagsins

  skrifa undir sem fulltrúi fyrir félagið

• búið gefur lítið í aðra hönd

  búið skilar ekki miklum tekjum

• þetta tvennt helst í hendur

  þetta tvennt fylgist að

• jörðin kemst í hendurnar á honum

  hann nær eignarhaldi á jörðinni

• mennirnir láta hendur skipta

  mennirnir slást

• sinna náminu með hangandi hendi

  stunda námið án þess að sýna mikinn áhuga

• stjórna með harðri hendi

  stjórna með miklum aga

• hefja búskap með tvær hendur tómar

  byrja að búa án þess að eiga neitt

• þeir taka höndum saman

  þeir sameina krafta sína