hljóð

hljóðbylgjur sem eyrað nemur, það sem heyrist

• hljóðið frá fossinum

• hljóðið í bílnum

• ganga á hljóðið

• gefa frá sér hljóð

• koma ekki upp hljóði

• reka upp hljóð

  reka upp óp, veina

• biðja/kveðja sér hljóðs

  biðja um þögn (til að fá að tala)

• fá hljóð

  fá athygli, fá þögn til að geta tekið til máls

• hafa hljóð

  þegja

  • hafið hljóð krakkar meðan ég útskýri þetta

• heyra í honum hljóðið

  heyra hvernig honum líst á

• vera með hljóðum

  kveina af sársauka

• það er dauft í honum hljóðið

  honum líst illa á, hann er daufur, svartsýnn

• það er komið annað hljóð í strokkinn

  það er öðruvísi talað nú, sagt annað en áður

• það heyrist hljóð úr horni

  einhver fer að kvarta eða mótmæla

• þegja þunnu hljóði

  steinþegja, segja ekki orð, en hlusta vel

• stjórnin var endurkjörin í einu hljóði

  stjórnin var endurkjörin með samhljóða atkvæðum, einróma

• þau töluðu saman í hálfum hljóðum

  þau töluðu mjög lágt saman

• lýsa þessu yfir í heyranda hljóði

  lýsa þessu að öðrum viðstöddum

• bölva í hljóði

  bölva þannig að það heyrist ekki

• segja þetta upp úr eins manns hljóði

  segja þetta upp úr ríkjandi þögn