hlutur

Merkingar

1. 1.

   áþreifanlegt stykki, gripur

   • þrír hlutir úr silfri
2. 2.

   þáttur eða hlutverk í sameign eða einhverju sameiginlegu

   • hlutur skólans í uppeldi barna er stór

   • eiga hlut að deilunni

   • eiga hlut í fyrirtækinu

Orðasambönd

• bera skarðan hlut frá borði

  fá minna en manni ber

• bíða lægri hlut

  tapa

• eiga hlut að máli

  vera aðili að málinu

• eiga í hlut

  vera aðili að máli

• fá drjúgan hluta arfsins í sinn hlut

  fá dágóðan hluta arfsins til sín

• gera á hlut hans

  gera honum eitthvað illt

• hlutur hans er fyrir borð borinn

  hans hagsmuna er ekki gætt

• láta ekki/hvergi sinn hlut

  gefa ekki/hvergi eftir

• láta þetta liggja á milli hluta

  taka ekki afstöðu til þess

• rétta hlut sinn

  bæta stöðu sína

• taka þessu ónæði eins og sjálfsögðum hlut

  taka trufluninni vel, láta hana ekki hafa áhrif á sig

• una illa við sinn hlut

  eiga erfitt með að sætta sig við hlutskipti sitt

• það liggur í hlutarins eðli að það er kaldara uppi á fjöllum

  það segir sig sjálft að það er kaldara uppi á fjöllum

• það þýðir ekki að sakast um orðinn hlut

  það þýðir ekki að hugsa um það sem er liðið

• þetta er orðinn hlutur

  það er búið og gert

• þetta er sjálfsagður hlutur

  það er alveg eðlilegt

• standa þarna eins og illa gerður hlutur

  standa þarna og vera mjög vandræðalegur

• þarna var ekki nokkur skapaður hlutur

  þarna var alls ekki neitt

• þetta verk kemur í hlut hans

  honum er ætlað að sinna verkinu