hvor sinn

Merkingar

1. 1.

   (um tvo eða tvennt) dreifimerking (vísar til liðar, oft(ast) frumlags, sem er í fleirtölu eða samsettur) - tvíyrt fornafn; báðir hlutar beygjast (sbr. "hvor" og "sinn") en sambeygjast ekki; "hvor" lagar sig að orðinu sem það vísar til en "sinn" að orðinu sem það stendur með (og stjórnast af sögn eða forsetningu)

   • við Kata fórum hvort í sína áttina eftir fundinn
   • þær sátu hvor í sínu horni og þögðu
   • þau gáfu tvíburunum hvorum sína tölvu í fermingargjöf
   • nýliðarnir tveir skoruðu sitt markið hvor
2. 2.

   (um tvo eða tvennt) eignarmerking: sams konar eign tilheyrir hvorum fyrir sig - tvíyrt fornafn; báðir hlutar beygjast (sbr. "hvor" og "sinn") en sambeygjast ekki; "hvor" lagar sig að orðinu sem það vísar til en "sinn" að orðinu sem það stendur með (og stjórnast af sögn eða forsetningu)

   • þau komu hvort á sínum bíl
   • strákarnir voru hvor með sína greiðu í rassvasanum