líf

Merkingar

1. 1.

   það að lifa

   • vera á lífi

   • halda lífi

2. 2.

   það sem lifir, lífverur

   • lífið á jörðinni
3. 3.

   dagleg tilvera, ævitími

   • lífið í sveitinni var tilbreytingasnautt
4. 4.

   mikið um að vera, fjör

   • það er alltaf líf við höfnina

Orðasambönd

• blása lífi í félagið

  örva starfsemi félagsins

• draga fram lífið á fáeinum krónum

  framfleyta sér með naumindum

• elska hana út af lífinu

  elska hana takmarkalaust

• gefa honum líf

  þyrma lífi hans

• gera honum lífið leitt

  vera honum til ama

• halda lífi og limum

  komast óskaddaður (úr hættu)

• komast lífs af

  sleppa lifandi

• láta lífið

  farast (t.d. í stríði)

• leggja líf sitt í sölurnar fyrir föðurlandið

  hætta lífinu fyrir föðurlandið

• lifa heilbrigðu lífi

  stunda heilbrigt líferni

• líf hans liggur við

  líf hans er í húfi

• reyna að halda lífinu í fyrirtækinu

  gera sitt til að halda því gangandi

• sitja um líf hans

  bíða færis að drepa hann

• svipta sig lífi

  fremja sjálfsmorð

• taka manninn af lífi

  framfylgja dauðadómi yfir honum

• týna lífi/lífinu

  farast (voveiflega)

• vakna til lífsins

  lifna við

• vekja hana til lífsins

  koma lífi í hana

• vera lífs eða liðinn

  vera lifandi eða dáinn

  • þeir vissu ekki hvort týndi ferðamaðurinn væri lífs eða liðinn

• vera með lífið í lúkunum

  vera hræddur eða taugaóstyrkur

• það er líf og fjör í skólanum

  það er margt skemmtilegt að gerast í skólanum

• syngja af lífi og sál

  syngja af innlifun

• hrópa af (öllum) lífs og sálar kröftum

  hrópa eins hátt og maður getur

• honum er ekki/vart hugað líf

  hann er dauðvona

• honum liggur lífið á

  honum liggur mjög mikið á