mál ¹

Merkingar

1. 1.

   tungumál, talað eða ritað

   • bundið mál

     mál í ljóðformi

   • óbundið mál

     laust mál, prósi

   • laust mál

     óbundið mál, prósi

   • ritað mál

     skrifaður texti

   • talað mál

     talaður texti

   • fá málið

     byrja að tala

   • missa málið

     hætta að geta talað

   • halla réttu máli

     fara ekki með rétt mál, segja ekki sannleikann

     • það er slæmt að ráðherra kýs að halla réttu máli

   • hefja máls á þessu

     byrja að tala um þetta

   • hitta hana að máli

     tala við hana

   • koma að máli við hana

     bera upp erindi við hana

   • taka til máls

     byrja að tala

   • ljúka máli sínu

     hætta að tala

   • vera fljótur/seinn til máls

     byrja fljótt/seint að tala

   • vera vel / illa máli farinn

     eiga auðvelt með að tjá sig munnlega

   • segja frá ferðinni í löngu máli

     nota mörg orð til að lýsa ferðinni

2. 2.

   málefni sem fer fyrir dóm, dómsmál

   • flytja málið

     gera grein fyrir kröfum og rökstyðja þær við aðalmeðferð máls

   • höfða mál (gegn/á hendur honum)

     fara í málsókn gegn honum

3. 3.

   málefni

   • ekkert mál

     lítið atriði

   • fara með rétt mál

     segja e-ð sem er rétt og satt

   • fara með rangt mál

     segja e-ð sem ekki er rétt og satt

   • fylgja honum að málum

     styðja hann og hans málstað

   • ganga í málið

     sinna erindinu, afgreiða erindið

   • gera út um málið

     afgreiða málið

   • gera ekkert í málinu

     gera ekkert, aðhafast ekkert

   • hafa málið með höndum

     hafa umsjón með því

   • hafa ýmislegt til málanna að leggja

     hafa ýmislegt að segja

   • hafa margt til síns máls

     hafa að mörgu leyti rétt fyrir sér

   • hugsa málið

     velta málinu fyrir sér

   • hugur fylgir máli

     maður meinar það sem maður segir

   • hvað er málið?

     hvað er vandamálið?

   • kjarni málsins

     það mikilvægasta

   • miðla málum

     sætta deiluaðila

   • nú vandast málið

     nú verður þetta erfiðara

   • ræða málin

     tala saman um málin

   • standa fyrir máli sínu

     verja sjónarmið sitt

   • svo er mál með vexti að peningarnir eru horfnir

     þannig er að peningarnir eru horfnir

   • taka málið/málin í sínar hendur

     taka að sér málið

   • taka málið upp

     taka það á dagskrá, byrja að fjalla um það

   • taka til óspilltra málanna

     ganga rösklega til verks

   • tala máli hans

     tala fyrir hönd hans, samsinna honum

   • vekja máls á þessu

     hefja umræðu um þetta

   • vera laus allra mála

     vera laus undan málinu

   • vera ómyrkur í máli

     tala skýrt, reyna ekki að fela staðreyndir

   • það er annað mál

     það er um allt annað að ræða

   • það er bót í máli að enginn hefur meiðst

     það er lán í óláni, það er gott að enginn hefur meiðst

   • það er gefið mál að einhver verður óánægður

     það er fyrirsjáanlegt, öruggt að einhver verður óánægður

   • það er mál manna að þetta sé góð lausn

     menn eru sammála um að þetta sé góð lausn

   • það er mál til komið að mótmæla þessu

     það er tími til kominn að mótmæla þessu

   • það er sjálfsagt mál að gefa þeim að borða

     það er auðsótt að gefa þeim að borða

   • það er tómt mál að tala um það

     það þýðir ekkert að, það er tilgangslaust að tala um þetta

   • það er vitað mál að þau geta aldrei orðið sammála

     það er þekkt að þau geta aldrei orðið sammála

   • það fer ekki á milli mála að við höfum verið blekkt

     það er alveg ljóst að, það er enginn vafi á því að við höfum verið blekkt

   • það gegnir öðru máli

     það er um annað að ræða

   • það kemur ekki til mála að leyfa þetta

     það er útilokað, það kemur ekki til greina að leyfa þetta

   • þetta er ekkert / lítið mál

     þetta er engin / lítil fyrirhöfn

   • þetta er útrætt mál

     málið er úr sögunni

   • þetta er alvarlegt mál

     ástandið er alvarlegt

   • þetta skiptir öllu máli

     þetta er gríðarlega mikilvægt

   • þetta skiptir engu máli

     þetta er ekkert mikilvægt

   • taka ákvörðun að (vel) athuguðu máli

     ákveða sig eftir mikla athugun og skoðun

   • þetta er þannig eðli málsins samkvæmt

     þetta er vegna þess hvernig málið er vaxið

   • hér er eitthvað málum blandið

     hér er eitthvað ekki eins og það á að vera

   • honum er málið skylt

     málið varðar hann, stendur honum nærri

   • honum er þetta hjartans mál

     honum finnst það mjög mikilvægt

   • afstaða hans skiptir máli

     skoðun hans hefur vægi, vegur þungt