maður

Merkingar

1. 1.

   karl eða kona, manneskja

   • þróun mannsins
   • tíu manns eru látnir eftir skotárás
2. 2.

   karlmaður

   • hún sá mann ganga yfir götuna
3. 3.

   eiginmaður

   • maðurinn hennar er læknir

Orðasambönd

• ekki nokkur lifandi maður trúir þessu

  enginn trúir þessu

• hafa góðan mann að geyma

  vera góður maður

• hverra manna er hún?

  hvaðan er hún ættuð, hverjir eru foreldrar hennar?

  • hverra manna er kærasta sonar þíns?

• koma drengnum til manns

  gera úr honum nýtan þjóðfélagsþegn

• komast til manns

  verða nýtur þjóðfélagsþegn

  • þrátt fyrir erfiða æsku komust systkinin öll til manns

• komast undir manna hendur

  vera tekinn til fanga

• maður lifandi

  svei mér þá, ja hérna

• vera allur annar maður

  vera mikið breyttur til hins betra

• vera andans maður

  eiga sér fræðileg áhugamál, t.d. heimspeki og bókmenntir

  • rithöfundurinn var einhver mesti andans maður síðustu aldar

• vera blíður á manninn

  vera blíðlegur í viðmóti

• vera breyttur maður

  vera breyttur

• vera eins og hugur manns

  vera mjög þægilegur

  • bíllinn er eins og hugur manns eftir að hann kom af verkstæðinu

• vera (ekki) maður til að stjórna fyrirtækinu

  hafa (ekki) þá eiginleika sem þarf til að stjórna fyrirtækinu

• vera ekki mönnum sinnandi

  vera viti sínu fjær (af áhyggjum, spennu)

• vera gull af manni

  vera mikið góðmenni

• vera lítill fyrir mann að sjá

  vera smávaxinn (karlmaður)

• vera maður að meiri

  vera meiri og göfugri maður, hafa vaxið í áliti

• vera/þykjast maður með mönnum

  vera montinn af sjálfum sér

• vera/þykjast mikill maður

  vera drýldinn, yfirlætisfullur

• vera nýr maður

  vera mikið breyttur til hins betra

• verða að manni

  verða nýtur þjóðfélagsþegn

• það gengur maður undir manns hönd

  allir hjálpast að (við e-ð)

• það var eins og við manninn mælt

  þá brá svo við, eins og hendi væri veifað, þá gerðist einmitt það

  • það var eins og við manninn mælt að þá fór að hellirigna

• aka eins og vitlaus maður

  aka gáleysislega, ákaft, glannalega