mark

Merkingar

1. 1.

   einkenni, merki

   • hans mark er greinilegt á textanum

   • veðrið setur mark sitt á hátíðina

     • rekstrarvandi hefur sett mark sitt á afkomu hjúkrunarheimilanna
2. 2.

   markmið

   • hvika ekki frá settu marki

   • stefna að ákveðnu marki

     • við stefnum að því marki að tvöfalda framleiðsluna
3. 3.

   net sem andstæðingar reyna að koma boltanum í; áfangastaður hlaupara

4. 4.

   það að hafa komið bolta í íþróttamark

   • dæma mark

     • línuvörðurinn dæmdi mark

   • skora mark

     • ég skoraði mark í fyrri hálfleik
5. 5.

   skífa til að skjóta í mark á

   • skjóta á mark/markið

6. 6.

   fjármark

7. 7.

   mynteining, heiti gjaldmiðils sem var áður notaður m.a. í Þýskalandi

   • þýsk mörk

Orðasambönd

• leggja mikið af mörkum

  leggja fram mikla vinnu

  • nemendur hafa lagt sitt af mörkum til að skreyta skólann

• setja markið hátt

  ætla sér mikið

• skjóta yfir markið

  fara of geyst t.d. í málflutningi

• taka mark á orðum hans

  taka mið af orðum hans, horfa til þeirra

• það hefur kólnað að marki

  það hefur kólnað talsvert

• þessi yfirlýsing er til marks um ástandið

  yfirlýsingin er vísbending um ástandið

• þessi athugasemd hittir í mark

  athugasemdin kemur á þann stað sem henni er ætlað að hæfa

• tilraunin missir marks

  tilraunin heppnast ekki