röð

ákveðin skipan í rúmi og tíma þar sem hvað/hver rekur annað/annan

• tré stóðu í röð við götuna
• þau sátu í þriðju röð í flugvélinni
• ég hef farið í búðina fjóra daga í röð

• ganga á röðina

  • hún gekk á röðina og spurði fólk að nafni

• röðin kemur að honum

  • röðin var komin að mér að lesa upp ljóð

• standa í röð

  vera í biðröð

  • menn biðu í langri röð eftir að komast inn á safnið

• vera einstakur í sinni röð

  vera alveg sérstakur (á jákvæðan hátt)

  • nágranni minn er mjög hjálpsamur, hann er alveg einstakur í sinni röð

• vera í fremstu röð

  vera meðal þeirra bestu

  • hún er íþróttakona í fremstu röð

• allt er í röð og reglu

  öllu skipulega raðað

  • allt var í röð og reglu þegar hún kom heim