síga

Merkingar

1. 1.

   mjakast niður, fara hægt og hægt niður

   • hún lét sjónaukann síga hægt
   • lyftan seig niður og stöðvaðist
   • höfuð hans seig niður á bringu
   • vatnið sígur niður í jarðveginn
   • loftið hefur sigið úr dekkinu
   • gólfið hefur sigið í miðjunni

   • síga saman

     • bíógestir sigu saman í sætunum af spenningi

   • síga í bjarg

     fara í kaðli niður í fuglabjarg eftir eggjum

2. 2.

   hafa hæga framvindu

   • dagarnir sigu áfram
   • rökkrið seig á fyrir utan gluggann

   • það sígur á seinni hlutann

     síðari hlutinn er hafinn (og endir í nánd)

     • nú var farið að síga á seinni hluta leiðarinnar

   • það sígur á skólaárið

     skólaárið er langt komið

     • það er farið að síga á jólafríið
3. 3.

   • það sígur í hana

     hún fyrtist við, reiðist nokkuð

     • það var farið að síga í kennarann
4. 4.

   • láta undan síga

     gefa eftir, hörfa

     • herdeildin varð að láta undan síga
     • regnskýin létu loks undan síga fyrir sólinni
5. 5.

   • ferðataskan sígur í

     ferðataskan er þung

Orðasambönd

• láta ekki deigan síga

  gefast ekki upp (við mótlæti)

  • verkfallsmenn létu ekki deigan síga og höfðu sigur að lokum

• það er farið að síga á ógæfuhliðina

  aðstæður versna

• mér sígur í brjóst

  ég blunda, dotta