vegur

braut milli staða, akbraut

• færa allt á verri veg

  túlka allt á neikvæðan hátt

• færa allt til verri vegar

  túlka allt á neikvæðan hátt

• færa reksturinn til betri vegar

  bæta hann, koma honum í betra horf

• hafa veg og vanda af verkinu

  hafa það með höndum, framkvæma það

• koma í veg fyrir átök

  hindra ...

• koma þessu til vegar

  áorka því

• komast til vegs og virðingar

  verða mikils metinn

• ryðja andstæðingum sínum úr vegi

  losa sig við andstæðinga sína

• segja/vísa honum til vegar

  útskýra rétta leið fyrir honum

• standa í vegi fyrir samkomulagi

  koma í veg fyrir ...

• vera í þann veginn að gefast upp

  vera alveg að gefast upp, vera að því kominn að gefast upp

• vera vel á veg kominn (með verkið)

  vera kominn nokkuð áleiðis ...

• vera illa á vegi staddur

  standa illa

• verða á vegi hans

  rekast á hann á förnum vegi

• virða þetta til betri vegar

  túlka þetta ekki neikvætt

• víkja úr vegi

  færa sig til hliðar

• það er ekki úr vegi að rifja upp gamla sögu

  það er ástæða til að ...

• það er ýmislegt í veginum

  það er ýmislegt til hindrunar

• það eru ljón á veginum

  það eru hindranir á leiðinni

• það má til sanns vegar færa

  það má segja að það sé satt, sannleikur

• þetta er ekki vinnandi vegur

  þetta er ekki hægt, ekki mögulegt

• ferðast á eigin vegum

  skipuleggja sína ferð sjálfur

• svara á þann veg

  svara þannig

• það má gera þetta á tvo vegu

  ... með tvennu móti, á tvenns konar hátt

• verkið er vel á veg komið

  verkið er komið nokkuð langt

• honum eru allir vegir færir

  hann getur allt

• þetta fór á annan veg

  þetta endaði öðruvísi en ætlað var

• ganga í veg fyrir hana

  ganga þvert fyrir framan hana