allur

Merkingar

1. 1.

   hliðstætt nafnorðið (oftast) með greini (um tiltekinn hóp eða afmarkað fyrirbæri, tímabil o.s.frv.) í heild

   • hann bauð allri fjölskyldunni í mat
   • mig verkjaði í allan skrokkinn eftir átökin
   • ferðalagið tók allt kvöldið og mestalla nóttina
   • bærinn er allur á kafi í snjó
   • öllum tónleikunum var útvarpað
2. 2.

   hliðstætt nafnorðið (oftast) án greinis hvers kyns, það sem tilheyrir einhverju (t.d. hlut, safni eða fyrirbæri) í heild sinni

   • hann fær allan kostnað greiddan
   • þau leigðu íbúð með öllum húsbúnaði
   • stofan var falleg en laus við allan íburð
3. 3.

   (með nafnorði eða persónufornafni sem vísar til fólks) til áherslu, undirstrikar að manneskja gefi sig gjörsamlega að einhverju eða að eitthvað hafi víðtæk áhrif á hana

   • á endanum var henni allri lokið og hún fór að skæla
   • stelpan iðaði öll í sætinu af spenningi
   • krakkarnir lögðu sig alla fram enda gekk þeim vel í prófunum