dagur

Merkingar

1. 1.

   sólarhringur

   • virkur dagur

     venjulegur dagur sem er hvorki frídagur né helgidagur, hversdagur

   • koma til borgarinnar að kvöldi dags

   • halda fund að morgni dags

   • salan eykst dag frá degi

2. 2.

   sá tími sólarhrings þegar bjart er

   • góðan dag/daginn

     kveðja þegar menn hittast að degi til

   • degi er tekið að halla

   • það birtir af degi

   • snúa heim á leið að áliðnum degi

   • ferðin var farin að degi til

   • láta sér leiðast allan liðlangan daginn

   • vera í vinnunni á daginn

   • þetta gerðist árla dags

   • veðrið er gott í dag

   • hugsa málið lengi dags

Orðasambönd

• bera hita og þunga dagsins

  sjá um erfitt verkefni og bera ábyrgðina

• dagar kommúnismans eru taldir

  tími kommúnismans er liðinn

• eftir hans dag

  eftir að hann var fallinn frá, að honum látnum

• eiga ekki sjö dagana sæla

  eiga í miklum erfiðleikum

• enn þann dag í dag

  alveg fram á okkar tíma

• fyrir hans dag

  áður en hann fæddist

• gera sér glaðan dag

  halda upp á eitthvað

• láta hverjum degi nægja sína þjáningu

  lifa fyrir einn dag í einu

• leggja nótt við dag

  vinna hörðum höndum allan sólarhringinn

• líta aldrei glaðan dag

  vera aldrei glaður

• ráða hana af dögum

  myrða hana

• það hefur ýmislegt drifið á daga hans

  hann hefur upplifað ýmislegt

• það er deginum ljósara að hann hefur aldrei kynnt sér málið

  það kemur berlega í ljós að hann hefur ekki kannað málið

• það kemur á daginn að hann hafði stolið öllum peningunum

  það er ljóst að hann hafði stolið allri upphæðinni

• það var mikill ófriður í landinu á dögum Snorra Sturlusonar

  það var stríðsástand þegar hann var uppi, á hans tíma

• þau gistu hjá okkur á dögunum

  þau gistu hjá okkur um daginn

• vinna í fiski daginn út og inn

  stunda fiskvinnslu alla daga á löngu tímabili

• gera tóma vitleysu eins og fyrri daginn

  gera algjöra vitleysu eins og vanalega

• þetta er deginum ljósara

  þetta er fullkomlega skýrt

• þannig var lífið forðum daga

  þannig var lífið fyrr á tímum

• þetta þótti fínt í gamla daga

  þetta fannst mönnum ágætt fyrr á tímum

• það var ekkert sjónvarp í þá daga

  það var ekkert sjónvarp á þeim tíma

• þræla nótt sem nýtan dag

  puða sífellt, sí og æ

• þetta er fátíður sjúkdómur nú á dögum

  sjúkdómurinn er sjaldgæfur á okkar tímum

• það er lítið mál að ferðast nú til dags

  það er einfalt að ferðast á okkar tímum

• hún hefur ferðast víða um dagana

  hún hefur ferðast víða á sinni ævi

• hann kom hingað um daginn

  hann kom hingað fyrir nokkrum dögum

• spjalla við hana um daginn og veginn

  ræða við hana um almenn málefni