eyra

hljóðskynjunartæki og jafnvægisskynfæri manna og dýra

• eyrun á mér

• innra eyra

  sá hluti eyrans sem nemur hljóð og þyngdaráreiti og sendir það til heilans

• ytra eyra

  sjáanlegur hluti eyrans, eyrnablaðka ásamt hlust

• fá hellu fyrir eyrun

  finna fyrir þrýstingsmun á hljóðhimnu eyrans

• fá orð í eyra

  fá skammir, vera ávítaður

• hafa eyra fyrir fallegri tónlist

  kunna að meta fallega tónlist

• hafa eyrun opin

  hlusta vel

• hafa þetta á bak við eyrað

  muna eftir því, hafa það í huga

• láta viðvörun hennar sem vind um eyru/eyrun þjóta

  láta það sem hún segir ekki hafa áhrif á sig

• leggja eyra/eyrun við orðum hennar

  hlusta vel á það sem hún segir

• leggja við eyrun

  hlusta vel

• ljá orðum hennar eyra

  hlusta á það sem hún segir

• loka eyrunum fyrir allri gagnrýni

  neita að hlusta á alla gagnrýni

• ná eyrum fundarmanna

  fanga athygli fundarmanna

• sperra eyrun

  hlusta vel, leggja við hlustir

• tala fyrir daufum eyrum

  fá lítil viðbrögð við því sem maður segir

• það er ýmist í ökkla eða eyra

  það er annað hvort of lítið eða of mikið

• þessi orðrómur berst honum til eyrna

  hann heyrir þennan orðróm

• áminningin fer inn um annað eyrað og út um hitt

  áminningin hefur engin áhrif

• söngurinn lætur vel í eyrum

  söngurinn hljómar vel

• hlusta á þetta með öðru eyranu

  hlusta án mikillar athygli