fastur

Merkingar

1. 1.

   skorðaður, sem hreyfist ekki

   • ég get ekki opnað krukkuna, lokið er fast
   • bíllinn var fastur í snjónum
2. 2.

   sem breytist ekki, stöðugur, reglulegur, ákveðinn

   • ég er fastur kaupandi að blaðinu
   • í fyrirtækinu eru fjórir fastir starfsmenn
   • við höfum ýmsa fasta siði á jólunum
   • barnabæturnar eru föst fjárhæð

Orðasambönd

• fast efni

  efni í föstu ástandi (ekki fljótandi eða gufa)

• slá þessu föstu

  fullyrða þetta, ganga út frá þessu vísu

• taka hann fastan

  handtaka hann

• taka viðfangsefnið föstum tökum

  fást við það af alvöru

• vera á föstu með bekkjarbróður sínum

  vera í ástarsambandi við ...

• vera fastur á fé

  vera nískur

• vera fastur á meiningu sinni

  vera harður á sinni skoðun

• vera fastur fyrir

  vera ákveðinn

  • hann er fastur fyrir og áreiðanlegur

• vera fastur í sessi

  vera óhagganlegur

  • hún er föst í sessi í stjórn bankans

• líf okkar er í föstum skorðum

  líf okkar er reglulegt, fylgir reglulegu mynstri

• reksturinn stendur föstum fótum

  reksturinn er traustur