gull ²

Merkingar

1. 1.

   gulur, verðmætur málmur, frumefnið Au

   • skíra gull

     • armbandið er úr skíra gulli
2. 2.

   gullverðlaun (í íþróttum)

   • Jón hreppti gullið í hástökki

Orðasambönd

• bera af öðrum eins og gull af eiri

  hafa mikla yfirburði yfir hann

• bjóða honum gull og græna skóga

  heita honum góðum launum

• gullið mitt!

  augasteinninn minn

• liggja á fjármunum eins og ormur á gulli

  gæta þeirra mjög vel

• lofa honum gulli og grænum skógum

  heita honum góðum launum

• vera gull af manni

  vera mjög góður maður

• búðin malar gull

  hún gefur vel af sér

  • fyrirtækið á eftir að mala gull á þessari nýjung

• góð menntun er gulli betri

  ... er meira virði en peningar

• upplýsingarnar eru gulls ígildi

  þær eru mikils virði

• hún er þyngdar sinnar virði í gulli

  hún er mjög dýrmæt eða mikilvæg