hinn

Merkingar

1. 1.

   hliðstætt ábendingarfornafn; bendir á annan en þann sem er tilgreindur, nálægastur eða áður hefur verið talað um

   stendur með nafnorði með greini

   • Steini er kominn en hinir strákarnir koma í kvöld
   • settu fiskinn í pottinn ásamt öllu hinu hráefninu
   • hin myndin sem ég sá um helgina var samt skemmtilegri
   • sumir geta það sem er ómögulegt fyrir okkur hin
2. 2.

   sérstætt ábendingarfornafn; bendir á annan en þann sem er tiltekinn, nálægastur eða áður hefur verið talað um

   • tveir keppendur eru langt á undan öllum hinum
   • maturinn er tilbúinn, viltu kalla á hina
3. 3.

   í samanburði milli tveggja einstaklinga eða hópa

   • seinni sagan var ekki eins áhrifarík og hin
4. 4.

   sérstætt sem atviksorð hinn daginn, daginn eftir morgundaginn

   • þau fara ekki á morgun heldur hinn

Orðasambönd

• hinir og þessir

  ýmsir

  • við gáfum hina og þessa hluti á tombóluna
  • það hafa hinir og þessir hringt

• þessi ... hinn

  um andstæður, í samanburði

  • þessi bíll er orðinn gamall en hinn er alveg nýr
  • þú getur fengið þessar en hinar eru fráteknar

• annar ... hinn

  um tvo eða tvennt í umtali um tvo eða samanburði milli tveggja

  • önnur stelpan er systir mín en hin er vinkona hennar
  • þeir vildu gjarnan lána okkur annan en ekki hinn