hjarta

Merkingar

1. 1.

   líffæri sem dælir blóði um líkamann

2. 2.

   form eins og á myndinni

3. 3.

   ein fjögurra sorta í spilum

Orðasambönd

• hjartað mitt

  ástin mín

• hafa/vera með hjartað á réttum stað

  vera góður í sér

• eiga hug og hjörtu áhorfenda

  falla áhorfendum vel í geð

• hafa ekki hjarta í sér til að neita honum um þetta

  geta ekki fengið sig til þess að neita honum um neitt

• hjartað tekur kipp

  hjartað slær auka slag

• hjartans stúlkan mín

  elsku stúlkan mín

• létta á hjarta sínu

  segja frá því sem íþyngir manni

• ljúka upp hjarta sínu fyrir honum

  gera hann að trúnaðarmanni sínum

• vinna hug og hjörtu áhorfenda

  vekja einlæga aðdáun áhorfenda

• þetta er eins og talað út úr mínu hjarta

  þetta er nákvæmlega það sem ég hugsa

• fyrirgefa honum af öllu hjarta

  fyrigefa honum af heilum hug

• þetta fallega bros bræðir hjarta hans

  þetta fallega bros snertir hann djúpt

• honum er þetta hjartans mál

  þetta á hug hans allan

• mér gengur þetta til hjarta

  ég tek þetta nærri mér

• vera sammála honum í hjarta sínu

  vera innilega sammála honum

• þetta kemur við hjartað í honum

  þetta snertir tilfinningar hans

• mér liggur þetta þungt á hjarta

  þetta hvílir mjög á mér

• standa þarna með hjartað í buxunum

  standa þarna skjálfandi af taugaóstyrk

• tónlistin stendur hjarta mínu næst

  mér þykir vænst um tónlistina