hvað

Merkingar

1. 1.

   sérstætt (í upphafi beinnar spurningar) hvaða hlutur, hvaða fyrirbæri o.s.frv. (þ.e. í opinni spurningu um hluti, fyrirbæri eða athafnir almennt)

   • hvað er að frétta?
   • hvað gerði ég vitlaust?
   • hverju höfum við gleymt?
   • hvað skal segja?
2. 2.

   sérstætt (sem tengiorð í upphafi spurnaraukasetningar) hvaða hlutur, fyrirbæri, atburður o.s.frv.

   • ég veit ekkert hvað varð um þessa pappíra
   • börnin skildu ekki almennilega hvað það var sem þau heyrðu
   • hann mundi vel hvers hann saknaði mest þegar hann var í burtu
3. 3.

   með vísun til lýsingarorðs eða atviksorðs: hversu

   • hvað er dóttir þín gömul?
   • þeir vissu ekki hvað þeir yrðu lengi í burtu
4. 4.

   í halaspurningum; til að leita eftir samþykki viðmælanda eða tryggja að hann fylgist með

   • ertu ekki að verða búin að borða, eða hvað?
   • eigum við ekki að skella okkur í bíó í kvöld, eða hvað?
5. 5.

   sérstætt sérhvað (um hluti, fyrirbæri, athafnir o.s.frv. almennt)

   • krakkarnir gera bara hvað sem þeim sýnist
   • maður getur átt von á hverju sem er

Orðasambönd

• hvað best

  (með efsta stigi atviksorðs) einna best

  • sú borg sem heillar mig hvað mest er Berlín
  • gjaldkerinn er sá starfsmaður sem hefur unnið hvað lengst hjá fyrirtækinu

• hvað eina, hvaðeina

  hvað sem er, allt

  • senda má fyrirspurnir um hvað eina sem tengist ljósmyndun
  • á markaðnum fæst matur, föt, búsáhöld, skartgripir og allt hvað eina

• hvað þá

  (á eftir neitun) enn síður

  • hann getur ekki einu sinni gengið núna, hvað þá hlaupið
  • ég hef varla tíma til þess að skjótast í sturtu, hvað þá fara í sund

• hvað þetta snertir/varðar

  að því sem snertir eða varðar þetta

  • hvað sjálfan mig snertir gengur allt vel en bróðir minn missti vinnuna í haust
  • málinu er lokið hvað þetta varðar