kostur

Merkingar

1. 1.

   góður eiginleiki

   • starfið hefur bæði kosti og galla

   • kosturinn við staðinn

     • helsti kosturinn við sveitina er hreina loftið
2. 2.

   möguleiki, val

   • eiga ekki annarra kosta völ en að taka lán

     hafa ekki um neitt að velja annað en að taka lán

   • eiga kost á ódýru flugfari

   • eiga þess kost að fara til Marokkó

   • gefa honum kost á þessu

     bjóða honum þetta

   • gefa kost á sér

     samþykkja að bjóða sig fram

   • setja honum kosti

     setja honum skilyrði

   • sjá ekki annan kost en að selja húsið

     sjá ekki aðra leið en að selja húsið

   • sjá sér þann kost vænstan að grafa sig í fönn

     þykja besta úrræðið að grafa sig í snjó

   • honum er nauðugur einn kostur að skrifa undir samninginn

     hann neyðist til að skrifa undir samninginn

   • þú verður að greiða sekt að öðrum kosti

     hinn möguleikinn er að þú greiðir sekt

   • það þarf að flýta verkinu eins og kostur er

     það þarf að flýta verkinu eins og mögulegt er

   • mér gefst kostur á að fara til Spánar

     mér stendur til boða að fara til Spánar

3. 3.

   gamaldags matur

4. 4.

   viðliður samsetninga sem tákna samansafn hluta

   • bílakostur fyrirtækisins
   • verkfærakostur heimilisins

Orðasambönd

• að minnsta kosti

  sjá að minnsta kosti

• búa við þröngan kost

  búa við lítil efni

• fara á kostum

  takast vel upp, t.d. í að vera skemmtilegur

• með kostum og kynjum

  með miklum myndarbrag

  • þau tóku á móti gestunum með kostum og kynjum