staður

staðsetning í rúmi þar sem e-ð er

• fara/halda/leggja af stað

  byrja ferð, hefja för sína

• finna þessari fullyrðingu stað

  staðfesta, sannreyna fullyrðinguna

• færa steininn úr stað

  færa steininn til

• ganga barninu í föður/móður stað

  verða barninu sem faðir/móðir

• gleyma stað og stund

  gleyma sér alveg (því maður er svo niðursokkinn)

• koma verkefninu af stað

  koma verkefninu í gang

• láta staðar numið

  hætta, stansa

• nema staðar

  stansa, stoppa

• þess sér ekki stað að búið sé að gera við húsið

  það sést ekki, það eru engin ummerki þess að gert hafi verið við húsið

• fundurinn átti sér stað í fyrra

  fundurinn fór fram, var haldinn í fyrra

• þetta kemur fram á stöku stað

  þetta kemur fram á örfáum stöðum

• sími og sjónvarp er til staðar

  sími og sjónvarp eru tiltæk, eru þarna (t.d. á hótelheberginu)

• salan gekk erfiðlega fyrst í stað

  salan gekk illa í fyrstu

• það verður að leysa málið þegar í stað

  það verður að leysa málið strax, undir eins

sjá í stað, í staðinn, í staðinn fyrir