vera

Merkingar

1. 1.

   táknar grunnstaðreynd eða tilvist

   • snjórinn er kaldur
   • veðrið var gott
2. 2.

   hafa vissa staðsetningu

   • jökullinn er á Vesturlandi
   • lykillinn var í skúffunni
   • bollinn er á borðinu
3. 3.

   vera einhvers staðar um kyrrt, dvelja

   • hann fékk að vera í tvær nætur
   • við ákváðum að vera þar lengur
4. 4.

   hjálparsögn, táknar dvalarhorf

   • hann er að raka sig
   • hún var að horfa á sjónvarpið þegar ég kom heim
5. 5.

   hjálparsögn í þolmynd og til að tákna lokið horf

   • fjórir starfsmenn voru ráðnir
   • báturinn er farinn
6. 6.

   • láta hana vera

     leyfa henni að fá frið

     • láttu mig vera, ég er að lesa
7. 7.

   • vera búinn að vera

     1. a.

        vera kominn í þrot, eiga enga von

        • þessi stjórnmálaflokkur er búinn að vera
        • fótboltakappinn er alveg búinn að vera
     2. b.

        vera mjög þreyttur

        • við vorum búnar að vera eftir daginn
8. 8.

   vera að

   • vera vel að sér

     vera fróður, hafa mikla þekkingu

     • þú ert vel að þér um fugla

   • vera alltaf að

     vera sífellt að gera e-ð

     • þessi höfundur tekur sér aldrei frí, hann er alltaf að
9. 9.

   vera á

   • vera á þessu

     vera þessarar skoðunar

     • ég er á því að auka þurfi stærðfræðikennslu
     • hann er á því að hún sé besta söngkona landsins
10. 10.

    vera á eftir

    • vera ekki jafnfætis öðrum í tíma eða rúmi

      • hún var ári á eftir í skóla

    • vera á eftir honum

      elta hann

      • hundurinn var enn á eftir henni
11. 11.

    vera á móti

    • vera á móti þessu

      vera andsnúinn þessu

12. 12.

    vera eftir

    • hálft brauðið er eftir

      hálft brauðið er óklárað

      • veislan stóð þar til ekkert var eftir
13. 13.

    vera frá

    • vera frá sér

      vera galinn, bilaður

      • ætlarðu upp á þak, ertu alveg frá þér?

    • vera frá í bakinu

      vera kvalinn í bakinu

    • vera ekki frá því

      hafa sterkan grun um það, halda það en þó með fyrirvara

      • ég er ekki frá því að við höfum sést áður
14. 14.

    vera hjá

    • vera hjá lækni

      vera í meðferð hjá lækni

      • hann hefur verið hjá sálfræðingi í tvö ár
15. 15.

    vera inni í

    • vera inni í málinu

      vita eitthvað um málið, hafa sett sig inn í málið

16. 16.

    vera í

    • vera í regnkápu

      vera klæddur regnkápu

      • hann var í svörtum skóm

    • vera í ensku tvisvar í viku

      vera í enskutíma tvisvar í viku

    • vera í námi

      stunda nám

      • hún er í lögfræði í háskólanum

    • vera í fótbolta

      1. a.

         vera að spila fótbolta

         • krakkarnir voru í badminton úti í garði
      2. b.

         iðka fótbolta

         • hann er í karate á mánudögum

    • vera í vondum félagsskap

      umgangast óæskilegt fólk

    • vera í dópi

      neyta eiturlyfja að staðaldri

    • vera í því

      vera drukkinn

17. 17.

    vera með

    • vera með eldspýtur

      hafa á sér eldspýtur

    • vera með mislinga

      vera veikur af mislingum

    • vera með góðar einkunnir

      hafa góðar einkunnir

    • vera með dónaskap

      viðhafa dónaskap

      • hún var með eintóma útúrsnúninga við mig

    • vera með honum

      vera í ástarsambandi við hann

      • hún er með strák úr eldri bekk
18. 18.

    vera til

    • 1. a.

         hafa tilveru, finnast

         • er jólasveinninn kannski ekki til?
      2. b.

         vera tilbúinn

         • ég er til, við skulum fara

    • vera til í þetta

      vera fús, reiðubúinn til þessa

      • hún var ekki til í að greiða reikninginn fyrir alla
19. 19.

    vera um

    • það er mikið um að vera

      það er mikið að gerast, mikið gengur á

      • það var mikið um að vera í borginni á kosningadaginn

    • frumlag í þgf.frumlag í þágufalli mér er ekki/ekkert um þetta

      mér líkar þetta ekki

      • mér er ekki um að hún róti í skúffunum hjá mér
20. 20.

    vera uppi

    • vera uppi á 18. öld

      vera til, lifa á 18. öld

      • skáldið var uppi löngu fyrir okkar tíð
21. 21.

    vera út úr

    • vera afskekktur

      • húsið er dálítið út úr þarna uppi á hæðinni

    • vera út úr drukkinn

      vera mjög drukkinn

    • þetta er út úr kortinu

      þetta er fáránlegt

    • þetta er út úr myndinni

      þetta kemur ekki lengur til greina

22. 22.

    vera við

    • vera á staðnum, til viðtals

      • læknirinn var ekki við þegar ég hringdi
23. 23.

    vera yfir

    • vera yfir stofnuninni

      vera yfirmaður þar

      • hver er yfir þessari deild fyrirtækisins?

Orðasambönd

• er á meðan er

  svona er þetta þangað til annað kemur í ljós