orð

Merkingar

1. 1.

   máleining, (oftast) sér um merkingu, framburð og rithátt

2. 2.

   loforð

   • efna/halda orð sín

   • standa við orð sín

   • ganga á bak orða sinna

3. 3.

   orðspor, orðstír

   • fá orð á sig fyrir hreysti

   • fá illt orð á sig

   • geta sér orð

   • hafa slæmt orð á sér

   • það fer orð af honum fyrir röggsemi

   • það fer gott orð af honum

Orðasambönd

• biðja um orðið

  óska eftir að taka til máls

• biðja hana þess lengstra orða að minnast ekki á þetta

  biðja hana innilega um að ræða þetta ekki

• eiga ekki/engin orð yfir þetta

  vera hneykslaður eða hissa á því

• eiga síðasta orðið

  eiga lokaorðin í skoðanaskiptum

• eyða ekki orðum að þessari vitleysu

  telja það ekki þess virði að ...

• fara hörðum orðum um hana

  setja fram alvarlega gagnrýni á hana

• fara fáeinum orðum um verk höfundarins

  segja nokkur orð um ...

• fá orð í eyra

  vera skammaður

• fleyg orð

  orð sem oft er vitnað í

• gera honum orð

  senda honum skilaboð

• geta ekki orða bundist

  verða að tjá hug sinn

• gæta orða sinna

  passa það sem maður segir

• hafa orð fyrir félögum sínum

  tala fyrir hönd félaganna

• hafa þetta á orði

  minnast á þetta

• koma ekki orðum að þessu

  geta ekki tjáð sig um þetta

• koma ekki upp orði

  geta ekki sagt neitt

• koma vel fyrir sig orði

  eiga auðvelt með að tjá sig

• komast þannig að orði

  orða hlutina þannig

• kveða fast að orði

  tjá sig á beinskeyttan hátt

• láta ekki sitja við orðin tóm

  láta sér ekki nægja að tala heldur framkvæma

• láta þung orð falla

  koma með alvarlegar ásakanir

• leggja orð í belg

  koma með innlegg í umræðuna

• leggja honum orð í munn

  gera honum upp ummæli

• orðið er laust

  menn geta tekið til máls

• segja ekki aukatekið orð

  þegja

• skipta orðum við hana

  tala nokkur orð við hana

• standa við orð sín

  standa við það sem maður hefur sagt

• taka aftur orð sín

  draga ummæli sín til baka

• taka hana á orðinu

  láta hana standa við orð sín

• taka svona til orða

  tjá sig þannig

• það dregst ekki upp úr honum orð

  hann fæst ekki til að segja neitt

• það er ekki orð á þessu gerandi

  það tekur því ekki að minnast á þetta

• það er hverju orði sannara

  þetta er alveg satt

• það er orð að sönnu

  það er alveg rétt

• þetta er orðum aukið

  þetta eru ýkjur

• þetta eru orð í tíma töluð

  það var tímabært að segja þetta

• segja þetta berum orðum

  ... hreint út, umbúðalaust

• fara með kvæðið frá orði til orðs

  ... alveg orðrétt

• samningurinn er í gildi í orði kveðnu

  ... gildir að nafninu til

• þetta er paradís í orðsins fyllstu merkingu

  þetta er sannkölluð paradís

• svara gagnrýninni orði til orðs

  ... í smáatriðum

• þau skiptast á orðum

  þau eiga orðastað, ræða stuttlega saman

• honum verður orðs vant

  hann er orðlaus, veit ekki hvað hann á að segja