sjá

Merkingar

1. 1.

   skynja (e-ð) með augunum

   • við sáum hvítan jökulinn
   • ég hef aldrei séð hana áður
   • hún sá að hann var einn
   • sérðu hvað þetta er fallegt blóm!
   • sjáðu þessa tertu!

   • vera daufur að sjá

2. 2.

   skilja (e-ð)

   • þú sérð að þetta er slæm hugmynd
3. 3.

   • láta sjá sig

     fara út á meðal fólks

   • láta ekki sjá sig

     koma ekki á staðinn, birtast ekki

4. 4.

   sjá að

   • sjá að sér

     bæta ráð sitt, endurskoða fyrri gerðir

     • hann sá að sér og breytti textanum
5. 5.

   sjá af

   1. a.

      • sjá af þessu

        láta þetta frá sér, missa þetta

        • máttu sjá af einum tepoka?
   2. b.

      • mega ekki af henni sjá

        vera mjög annt um hana, vilja alltaf hafa hana til staðar

        • henni þótti svo vænt um hvolpinn að hún mátti aldrei af honum sjá
6. 6.

   sjá á

   1. a.

      • sjá þetta á henni

        greina þetta af fasi hennar og ásýnd

        • ég sá á honum að hann var dapur
   2. b.

      • það sér á henni

        hún hefur sýnileg ummerki eftir óhapp t.d. mar eða rispur

        • það sér á bílnum eftir áreksturinn
   3. c.

      • það sér á henni

        það er sýnilegt að hún á von á barni

        • hún er ólétt og það er farið að sjá á henni
7. 7.

   sjá á bak

   • sjá á bak hestinum

     missa hestinn (oftast af því að hann deyr)

     • hún varð að sjá á bak ungum unnusta sínum
8. 8.

   sjá eftir

   • sjá eftir þessu

     iðrast þessa, óska þess að það hafi aldrei verið

     • þau sáu eftir því að hafa boðið honum
     • hann sér eftir tímanum sem hefur farið í þetta
9. 9.

   sjá fram á

   • sjá fram á bjartari tíma

     búast við því að framundan séu bjartari tímar

     • þeir sjá fram á aukna starfsemi fyrirtækisins
10. 10.

    sjá fram úr

    • sjá (ekki) fram úr verkefnunum

      geta (ekki) séð að þetta klárist, leysist

11. 11.

    sjá fyrir

    1. a.

       • sjá þetta fyrir

         vita fyrirfram að þetta yrði svona

         • við gátum ekki séð þessi vandræði fyrir
    2. b.

       • sjá þetta fyrir sér

         sjá þetta í huganum, ímynda sér þetta

         • við sjáum fyrir okkur gott sýningarrými í austurendanum
    3. c.

       • sjá fyrir fjölskyldunni

         vinna fyrir lífsnauðsynjum hennar

    4. d.

       • sjá honum fyrir ritföngum

         útvega honum ritföng

         • fyrirtækið sér honum fyrir vinnufatnaði
    5. e.

       • það sér fyrir endann á verkfallinu

         það er útlit fyrir að það sé að verða búið

12. 12.

    sjá í

    • sjá í selinn

      sjá hluta af selnum, sjá rétt glitta í hann

      • ég gat rétt séð í kirkjuturninn í þokunni

    • það sér ekki í húsið

      • það sá ekki í grindverkið fyrir snjó
13. 13.

    sjá í gegnum

    • sjá í gegnum þetta

      skilja hvað haft er í huga, átta sig á þessu

      • kjósendur sáu í gegnum áróðurinn
14. 14.

    sjá til

    1. a.

       • bíða og láta málin þróast

         • sjáum til hvort gatan verður ekki lagfærð
    2. b.

       • sjá til hennar

         sjá hana gera e-ð, standa hana að verki

         • hann athugaði hvort nokkur sæi til hans
    3. c.

       • sjá til þess

         annast það, tryggja það

         • hann sá til þess að nóg væri af veitingum
    4. d.

       • sjá til sólar

         sjá sólina í gegnum skýin

       • það sér til fjalla

         fjöllin eru sýnileg (í þessu skyggni)

15. 15.

    sjá um

    1. a.

       • sjá um heimilið

         annast heimilið

         • hann sá um uppvaskið
    2. b.

       • sjá sig um

         skoða sig um í umhverfinu

         • þau ætla að sjá sig um á meginlandinu í sumar
16. 16.

    sjá út

    • sjá þetta út

      finna, uppgötva

      • hún sér oft út sniðugar lausnir
17. 17.

    sjá út úr

    • það sér ekki út úr augum

      það sést ekkert, skyggnið er mjög slæmt (fyrir myrkri, þoku eða þéttri hríð)

18. 18.

    sjá við

    • sjá við honum

      vera slyngari en hann