taumur

Merkingar

1. 1.

   sá hluti beislis sem haldið er í

   • hún hélt í tauminn á hestinum
2. 2.

   lína, snæri, taug

   • bóndinn var með kúna í taumi
3. 3.

   e-ð langt og mjótt, rák

   • svitinn rann í taumum niður enni hans

Orðasambönd

• draga taum hans

  fylgja honum að málum

  • blaðið dregur taum stjórnarandstöðunnar

• gefa honum lausan tauminn

  gefa honum frjálsar hendur, frelsi til athafna

  • við skulum gefa ímyndunaraflinu lausan tauminn

• grípa/taka í taumana

  blanda sér í málið (til að hamla e-u)

  • yfirvöld þurfa að grípa í taumana og banna þetta