von

það sem maður vonar, tilfinning óskar

• binda vonir við nýja skólastjórann

• gera sér vonir um góðan árangur

• gefa upp alla von

• halda í vonina

• lifa í voninni

• eiga sér einskis ills von

  vera grunlaus um að eitthvað illt sé í aðsigi

• eiga sér ekki viðreisnar von

  eiga enga möguleika framar

• eiga von á barni

  vera ófrísk

• eiga von á sér um mánaðamótin

  eiga að fæða barn um mánaðarmótin

• eiga von á gestum

  búast við gestum

• vera úrkula vonar

  vera búinn að missa alla von

• það er borin von að við fáum peningana aftur

  það eru ekki miklar líkur á að við fáum peningana aftur

• það er ekki von á góðu

  horfurnar eru slæmar

• það er ekki öll von úti

  það eru enn dálitlir möguleikar

• það er von að hún sé glöð

  það er ástæða fyrir því að hún er glöð

• það getur brugðið til beggja vona

  það er ekki vitað hvernig þetta fer

• það standa vonir til þess að húsbyggingunni verði lokið eftir mánuð

  menn vonast eftir því að húsbyggingunni verði lokið eftir mánuð

• hann er að vonum áhyggjufullur

  hann er að sjálfsögðu, eðlilega áhyggjufullur

• hafa staðið sig framar vonum

  hafa staðið sig betur en búist var við

• kaupa hlutabréf í von um að gengið hækki

  kaupa hlutabréf í þeirri fullvissu að gengið hækki

• bíða milli vonar og ótta

  bíða í algjörri óvissu

• taka með snæri til vonar og vara

  taka snæri með til öryggis

• leggja af stað upp á von og óvon

  leggja af stað þótt ekki sé vitað hvort maður nái takmarkinu

• ákvörðunin dróst von úr viti

  ákvörðunin dróst óeðlilega lengi