sinn hver

Merkingar

1. 1.

   (um þrjá eða fleiri) dreifimerking (vísar til liðar, oft(ast) frumlags, sem er í fleirtölu eða samsettur) - tvíyrt fornafn; báðir hlutar beygjast (sbr. "sinn" og "hver") en sambeygjast ekki; "sinn" lagar sig að orðinu sem það vísar til en "hver" að orðinu sem það stendur með

   • þau eiga þrjú börn, sitt á hverju árinu
   • þeir ferðuðust þrír saman, sinn frá hverjum bæ
   • bókunum var safnað saman sinni úr hverri áttinni

   • sitt hvað

     1. a.

        ýmislegt

        • kennarinn hafði sitt hvað að athuga við efni ritgerðarinnar
     2. b.

        ekki það sama

        • það er sitt hvað, hæfileikar og velgengni

   • sitt (lítið) af hverju

     eitt og annað (smálegt), ýmislegt (svolítið af ýmsu)

     • þær ræddu sjálfsagt sitt af hverju þegar ég heyrði ekki til
     • í siglingunni er boðið upp á sitt lítið af hverju - hvalaskoðun, sjóstangaveiði, miðnætursól og fleira

   • sitt af hverju tagi

     eitt og annað, ýmislegt

     • hún setti sitt af hverju tagi í skálar og bar það fram með kaffinu

   • sitt sýnist hverjum um þetta

     sérhver hefur sína skoðun á þessu

     • málið var rætt á fundinum og sýndist sitt hverjum
     • sitt sýndist hverjum um lausn deilunnar
2. 2.

   óformlegt, ekki fullviðurkennt mál dreifimerking (sbr. lið 1) - tvíyrt fornafn; liðirnir standa saman og laga sig báðir að orðinu sem þeir standa með

   • við þurfum ekki að fara á sinn hverjum bílnum allir fjórir
   • hugmyndirnar komu úr sín hverri áttinni