sinn hvor

Merkingar

1. 1.

   (um tvo eða tvennt) dreifimerking (vísar til liðar, oft(ast) frumlags, sem er í fleirtölu eða samsettur) - tvíyrt fornafn; báðir hlutar beygjast (sbr. "sinn" og "hvor") en sambeygjast ekki; "sinn" lagar sig að orðinu sem það vísar til en "hvor" að orðinu sem það stendur með

   • liðin unnu sitt hvorn leikinn
   • hann á tvö börn sitt með hvorri konunni
   • mamma prjónaði handa mér tvenna vettlinga, sína með hvorum lit
   • göturnar lágu sín í hvora átt út frá torginu

   • gefa/reka manninum sitt undir hvorn

     löðrunga manninn

     • hann stökk á fætur í bræði sinni og gaf Pétri sitt undir hvorn
     • hún húðskammaði strákinn og rak honum svo sitt undir hvorn

   • sitt af hvoru

     ýmislegt, eitt og annað

     • þau hafa reynt sitt af hvoru

     sjá sinn hver

   • sitt af hvoru tagi

     hvort af sinni gerð

     • að sækja bæði sykur og brauð, sitt af hvoru tagi
2. 2.

   óformlegt, ekki fullviðurkennt mál dreifimerking (sbr. lið 1) - tvíyrt fornafn; liðirnir standa saman og laga sig báðir að orðinu sem þeir standa með

   • svo fóru þeir í sín hvora áttina
   • vinirnir höfðu lengi búið í sitt hvoru landinu
   • ákveðið var að setja ráðuneytin undir sinn hvorn ráðherrann